Fuaran
Tha cluaineag ann an iomall slèibh
far an ith na fèidh lus biolaire;
’na taobh sùil uisge mhòr rèidh,
fuaran leugach cuimir ann.
Air latha thàinig mi lem ghaol
gu taobh a’ chaochain iomallaich,
chrom i h-aodann sìos ri bhruaich
’s cha robh a thuar fhèin tuilleadh air.
Ràinig mi a’ chluaineag chèin
a-rithist leam fhèin iomadh uair,
agus nuair choimhead mi san t-srùthlaich
cha robh ach gnùis tè m’ ulaidh innt’.
Ach bha na glinn is iad a’ falbh
is calbh nam beann gun fhuireach rium,
cha robh a choltas air na slèibhtean
gum facas m’ eudail ulaidhe.
|
* * *
Sgrùd
liosta nan dàn a rèir na h-ama
Sgrùd
liosta nan dàn an òrdugh na h-aibidil
|
