Rugadh Somhairle MacGillEain ann an Eilean Ratharsair air 26 An Dàmhair 1911.  Mar chuimhneachan air ceud bliadhna bhon a rugadh e tha Urras Shomhairle air:

• Chaidh farpais sgrìobhaidh bàrdachd do sgoilearan àrd-sgoile fhoillseachadh às-ùr aig co-chruinneachadh bhliadhnail an luchd-teagaisg is eile a tha an-sàs ann am foghlam Gaidhlig san Aghaidh Mhor. Tha an fharpais, a tha an turas seo gu bhith ag amas air clann aig ìre àrd-sgoile, air a chur air adhart le Urras Shomhairle MhicIllEain agus air a lìbhrigeadh leis a’ bhuidhinn Stòrlann.Airson am barrachd fios, seall air an naidheachd gu h-ìosal.

• 
  

  Seall air an naidheachd mun an fheadhainn a bhuannaich

  
  

• Chaidh 11 bhàrd an Alba is na b’ fhaide air falbh fhastadh gus dàn a sgrìobhadh don leabhran air a bheil Dàin do Shomhairle / Poems for Sorley, foillsichte an co-bhoinn ri Scottish Poetry Library san Ògmhios, 2011. Tha an leabhran ri fhaighinn bho SPL agus bho Chomhairle nan Leabhraichean, £6

• Chur air bhon, cuide ri Comunn na Gàidhlig, Co-fharpais Bhàrdachd Ghàidhlig dha na h-Àrd-sgoiltean air feadh Alba.  Bha duaisean ann airson na pìosan bàrdachd sa Chiad, san Dàrna is san Treas àite mar Theisteanasan Amazon luach suim £100, £80 & £60. Airson am barrachd fios, seall air an naidheachd gu h-ìosal.

• 
  

  Seall air an naidheachd mun an fheadhainn a bhuannaich

  
  

• Cothrom eile air a’ chonsart Hallaig a bh’ aig Celtic Connections 2009 fhaicinn ann an Àrd-Eaglais Naoimh Anndra, Inbhir Nis agus Sabhal Mòr Ostaig mar phàirt de Fhèis Blàs 2011. Tha an t-Urras a' toirt mòran taing do Chomunn Crann na h-Alba, do Mheur na Gàidhealtachd den Chomann agus do Chomunn Gàidhlig Inbhir Nis airson taic airgid a thoirt don tachartas seo. Chaidh an consart an Inbhir Nis a chlàradh airson telebhisean agus thèid a sgaoileadh air BBC Alba, 9.00f, Disathairne 22 An Dàmhair 2011.

• 
  

  Seall air a Phrògram

  
  

  Seall air an lèirmheas a-chaidh a' sgrìobhadh le Jennie Macfie